Degemer mat

Dorioù digor ar skolaj d’ar Sadorn 4 a viz C’hwevrer

Skipailh Skolaj Diwan Bro Dreger a vo laouen o tegemer an holl familhoù dedennet gant hor skolaj (kelennadurezh e brezhoneg dre soubidigezh).

Pedet oc’h da zont d’ar Sadorn 4 a viz C’hwevrer 2023 adalek 10e betek 12e30.

Displegañ a rimp mont en-dro ar skolaj, diazezoù ar c’helenn, an doareoù bevañ e brezhoneg, aozadur an dezougen hag ar bod-ha-boued.

Evel-just e vo dizoloet al lec’h dre strolladoù bihan.

Gant plijadur e tegemerimp ac’hanoc’h an deiz-se !


Degemer mat e lec’hienn Skolaj Diwan Bro-Dreger !

Ur skolaj war ar maez gant tro-dro da 220 skoliad ennañ, ur skolaj ez eo ar brezhoneg yezh ar vuhez. Ur skolaj lik eo, prevez, kevrataet gant an Deskadurezh Stad ; digoust eo ar gelennadurezh.